Үйл ажиллагаа

Хөрөнгө оруулалт:

Төслийн дэд бүтцийг барьж байгуулах болон хайгуул, олборлолтын үйл ажиллагааг эхлүүлэхэд тус компани нийт 550 гаруй сая ам.долларын анхны хөрөнгө оруулалт хийсэн бөгөөд бүтээн байгуулалтын ажлууд үргэлжилж байна. Өнгөрсөн хугацаанд 17 гүүрийн байгууламж бүхий Хөшөөт-Ярант чиглэлийн 311 км хатуу хучилттай авто зам, жилд 2,5 сая тонн нүүрс боловсруулах хүчин чадалтай Нүүрс хуурай аргаар баяжуулах үйлдвэр, 3 сая тонны хүчин чадалтай Нүүрс угаах үйлдвэр, Хөшөөтийн уурхай болон Үенч суманд гаалийн хяналтын бүс, нүүрс химийн лаборатори, эрчим хүчний байгууламжууд болон уурхайн дэд бүтцийн бусад бүтээн байгуулалтуудыг хийсэн.

2023 онд Төслийн 2 дахь шатны томоохон бүтээн байгуулалтын ажлуудыг эхлүүлж БНХАУ-д шинэ тутам нэвтрээд буй байгаль орчинд ээлтэй, битүүмжлэгдсэн, бүрэн автомат технологи бүхий Хуурай баяжуулах үйлдвэр болон дагалдах бусад дэд бүтцийг барьж байгуулахаар ТЭЗҮ, зураг төслийн ажлуудыг хийж, уг үйлдвэрийн барилга угсралтын ажлыг 2024 оноос эхлүүлэхээр төлөвлөж байна. Уг үйлдвэр ашиглалтанд орсноор жилд 5 сая тонн нүүрс баяжуулах боломж бүрдэх юм.

Уулын ажлын гүйцэтгэл, экспортын хэмжээ:

Хөшөөтийн уурхай нь геологийн тогтцын хувьд олборлолт явуулахад уул техникийн хүнд нөхцөлтэй уурхайнуудын нэгд тооцогддог.

Тус уурхайн олборлолт эхэлснээс хойшхи хугацаанд нийт 70,9 сая куб.метр хөрс хуулалт хийж, 2014-2023 онд нийт 9,8 сая тонн нүүрс экспортлоод байна.

Бид:

2022 онд

13.8 сая куб.метр хөрс хуулалт хийж, 3.5 сая тонн нүүрс олборлон, 2.1 сая тонныг экспортолсон

2023 онд

18.8 сая куб.метр хөрс хуулалт хийж, 2.5 сая тонн нүүрс олборлон, 2.1 сая тонныг экспортолсон

үзүүлэлттэй байгаа нь Булган боомтын нэвтрэх хүчин чадал хязгаарлагдмал байгаа өнөөгийн нөхцөлд манай компанийн хувьд түүхэн дээд хэмжээ болсон. Экспортын хэмжээ тогтвортой өсөн нэмэгдэхийн хэрээр Төслийн нийгэм, эдийн засгийн үр өгөөж улам бүр нэмэгдэж байна.

Төсвийн орлого бүрдүүлэлт:

МоЭнКо ХХК нь 2007-2023 онд улс, орон нутгийн төсөвт нийт 373,9 тэрбум төгрөгийн татвар шимтгэлийн орлого оруулснаас Ховд аймгийн төсөвт 55,5 тэрбум төгрөгийн татвар, шимтгэлийн орлого оруулжээ.

2022 онд

Улс, орон нутгийн төсөвт 113.7 тэрбум , Ховд аймгийн төсөвт 14.4 тэрбум төгрөгийн татварын орлого оруулсан

2023 онд

Улс, орон нутгийн төсөвт 122.6 тэрбум төгрөг, үүнээс Ховд аймгийн төсөвт 26.9 тэрбум төгрөгийн татварын орлого оруулсан

Манай компани 2022 онд төлсөн татварын орлого бүрдүүлэлтээр хувийн хэвшлийн аж ахуйн нэгжүүдээс эхний 8-д эрэмбэлэгдсэн.